Ул әле яши!

Р.Әхмәровның төшенкелеккә бирелүенә каршы язуым әле бу («Татарстан» радиосы яшәргә тиеш» «ШК», 24 июль, 8 нче бит). Ул чыбыклы радио, керосин лампасы, утын ягу кебек, узган гасырларда калды. Чыбыклы радиога бер елга түләнгән 300 сумга бүген заманча радиоалгыч сатып алып, кимендә 10-15 ел төрле-төрле «Болгар», «Курай», «Татар» радиоларын тыңлап була!
«Татарстан» радиосының бүген үсә, камилләшә баруын да әйтми булмый. Элек иртә-кич яртышар сәгать кенә җырлар биргән радиобыз хәзер көндез дә, хәтта ял көннәрендә дә әдәби, музыкаль, мәгълүмати тапшырулар белән «сыйлый» бит!