Алданып яшәргәме, түзәргәме?
Бервакыт Ильяс эшемдәге хезмәттәш кыз янына килде. Күземә күренә дип торам! Ток суккандай булды. Мин аларны күрмәгән булып кыландым. Ул да мине күрмәде. Билгеле, бу хәлдән соң араларны өзәргә тиеш идем.
Бервакыт Ильяс эшемдәге хезмәттәш кыз янына килде. Күземә күренә дип торам! Ток суккандай булды. Мин аларны күрмәгән булып кыландым. Ул да мине күрмәде. Билгеле, бу хәлдән соң араларны өзәргә тиеш идем.
Бервакыт дус кызым мине үзе белән абыйсына кунакка алып барды. Ильяс бик чибәр, тәртипле егет булып чыкты. Миңа – 30, Ильяска – 40 яшь.
Озаклап кич утырганнан соң, күзгә йокы төште. Ильяс бүлмәдә урын тәкъдим итте, шунда кереп яттым да, йокыга киткәнмен. Уянсам, иптәш кызым юк, кайтып киткән. Шулай итеп, Ильяс белән икәү калдык.
Иртән ул мине өемә илтеп куйды. Шул көнне сәгать саен шалтыратып торды. Ә инде икенче көнне кич белән Ильяс бергә яшәргә тәкъдим ясады. Әлбәттә, каршы килдем. Өстәвенә яраткан кешем белән аерылышканнан соң, яралар төзәлмәгән иде әле. Яңа мөнәсәбәтләргә әзер түгел идем мин. Тик шулай язылган булгандыр инде: Ильяс белән очраша башлавыбызны аңламый да калдым.
Ильясның кызларны яратуына, бер итәкне дә игътибарсыз калдырмавына тиз төшендем. Шул вакытта аның белән бары интим мөнәсәбәтләрдә булырга, аны яратмаска, артык хисләргә бирелмәскә үземә сүз бирдем.
Бервакыт Ильяс эшемдәге хезмәттәш кыз янына килде. Күземә күренә дип торам! Ток суккандай булды. Мин аларны күрмәгән булып кыландым. Ул да мине күрмәде. Билгеле, бу хәлдән соң араларны өзәргә тиеш идем. Ләкин Ильяс булмаса, миңа бөтенләй күңелсез булачак, ялгыз калачакмын, дип сабыр булырга тырыштым.
Диңгезгә ял итәргә киткәч тә, Ильясны сагындым. Дөрес, без телефон аша аралашып тордык. Нәкъ менә шул чакта мин аннан башка яши алмаячагымны, гашыйк булуымны аңладым. Диңгездән кайтуга, киемнәремне җыйдым да, Ильяска күченеп килдем. Менә шунда башланды да инде иң кызыгы. Фатирга әле бер кыз, әле икенче кыз килә башлады. Барысы да үзләрен Ильясның йөргән кызы дип таныштырды. Мин дә төшеп калганнардан түгел. Нигә әле бәхетем өчен көрәшмәскә? Бу йортка юлны тиз оныттырдым.
Ләкин моңа карап кына Ильяс сулга йөрүен туктатмады. Каян белдем дисезме? Үзе йоклаганда, очраклы рәвештә телефонын карадым. Әмма карамасам, яхшырак булган булыр иде. Чәчләрем үрә торды. Шушы вакыт эчендә ул һәрвакыт кызлар белән аралашып, күрешеп яшәгән икән бит! Берсенә сагынуын әйткән, икенчесенә очрашырга тәкъдим ясаган, өченчесен – кинога, дүртенчесен шашлыкка чакырган. Иртән барысын да түкми-чәчми үзенә әйттем дә, киемнәремне җыеп чыгып киттем. Ул дәшмәде...
Беләм, күбегез: “Кирәкмәгән җиргә кысылмаска иде, нигә кеше телефонын тикшерәсең?” – дияр. Тик шикләнеп һәм алданып яшәү дә кыен. Әгәр ул гафу сорап килсә, мин аны гафу итәчәкмен, чөнки мин аны үлеп яратам. Нишлим? Киңәш бирегез, зинһар.
Фото: pixabay.com
Айгөл З.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Россиядә күп балалы гаиләләр саны 2025 елда 3 миллионга кадәр арткан
-
#«Сәхнә» журналыннан
«Без аларны онытырга хаклы түгел»: Рүзәл Минһаҗев Апаста йөрәкләрне тетрәндерде
-
#Кыскача яңалыклар
Татарстанда табиблар өчен яңа форма: республика 134 миллион сумга якын акча бүлеп бирәчәк
-
#Кыскача яңалыклар
Казанда чыгарылыш сыйныф укучылары БДИ өчен иң еш сайлаган предметлар билгеле булды
-
#Кыскача яңалыклар
Казанда язгы авыл хуҗалыгы ярминкәләре башлана: кайда сәүдә итәчәкләр?
Комментарийлар
1
0
И балакай, нигә үзәгеңне эзеп гомереңне әрәм итеп, сине санламаган кеше актыгына, яратам дип табынып яшәргә инде, балаң юк, дөньяда яхшы ирләр беткәнме.
0
0
3
0
Моңдый донжуан белән яшәгәнче, белә торып сазга бату була. Монда төпле гаилә корып булмаячагы көн кебек бит. Бу мәхәббәт була алмый, фәкать вакытлы мавыгу гына дип әйтергә мөмкин. "Яратам" дип, кушыласың икән, үзеңне күрә торып мыскыл иттерү булмыймы? Хатын-кыз беренче нәүбәттә,. әһлаклы, тыйнак булырга тиеш! Ир буласы кеше булачак хатынын матур гына хөрмәт итеп очрашып үзенеке иткәндә генә гаилә төзек була ала.
0
0
1
0
Минем сезгэ кинэш, андый кеше узгэрмиячэк, вакытыгызны гына эрэм итэсез!
0
0
2
0
Жулэр!!!
0
0
2
0
Шыр Тиле булса,пока Бер букет чир элэккэнче,котыл,анын Яше кырыкта бит,синеке тугел,Бер дигэн яр табарсын
0
0