Шәһри Казан

Замана зәхмәте

Замана алга бара, фән-техника казанышлары арта, тормыш нык кызулады хәзер. Кичәге яңалык бүген инде гадәти хәл, бүген санаган акча иртәгәгә җитми. Халык кинәт кенә байлар һәм ярлыларга бүленде. Чын-чынлап яшәргә вакыт җитми, акча саныйбыз, керем эзлибез, алданудан куркабыз. Нәтиҗәсе - күз алдында. Үз-­үзенә кул салучылар саны буенча Россия дөнья буенча...

Замана алга бара, фән-техника казанышлары арта, тормыш нык кызулады хәзер. Кичәге яңалык бүген инде гадәти хәл, бүген санаган акча иртәгәгә җитми. Халык кинәт кенә байлар һәм ярлыларга бүленде. Чын-чынлап яшәргә вакыт җитми, акча саныйбыз, керем эзлибез, алданудан куркабыз. Нәтиҗәсе - күз алдында. Үз-­үзенә кул салучылар саны буенча Россия дөнья буенча иң алдынгы урыннарны били, психик авырулар саны көннән-көн үрчи, гаиләләр таркала. Урамда йөргән халыкка күз саласың - бар да борчулы кыяфәтле, каядыр ашыга, юк кына сәбәптән дә котырып китәргә әзер. Өлкәннәр: «Элек тә эчә идек, ну запойга китүчеләр бик сирәк иде, әллә хәзерге аракыга берәр нәрсә өстиләрме соң?» - ди. Төрле авырулар күбәйде - адым саен яман шеш, шикәр чире, ирләрдә җенси көчсезлек. Нишлисең, табигатьнең законы шундый - һәр нәрсә өчен түләргә кирәк. Табиблар бүгенге яшәү рәвешенең стресс­ларга китерүен, стрессның исә депрессиягә, ә анысының шул ук - тән авыруларына һәм эчкечелеккә китерүен искәртәләр. Бездә шулай бит: күрше яңа машина һәм хатынына яңа тун ала. «Син гомергә җебегән инде, әнә күршегә кара», - дип, хатыны ирен сүгә. Аптыраган һәм күршесе кадәр урлый алмаган ир эчә башлый, ә күршесенең яңа тунына кызыккан хатында депрессия башлана - бераздан берсе - эчкече, ә икенчесе - авыру... Бетте гаилә, таркалды тормыш. Хатыны ирен озаграк һәм катырак «игәүләсә», ир әле үзенә кул салырга да мөмкин. Шул стресс һәм депрессиядән котылу өчен, кешеләр дару эчә, уколлар кадата, дәвалана, ә ул дәвалар һәм дарулар организмның башка җиренә китереп суга.

Реклама

Элек рәхәт иде - бар да бертигез, тигез булмаганнар төрмәдә утыра, стресска сәбәп юк, күрше - күршегә дус, иптәш һәм туган... Нишлисең, кешегә матур яшәргә, тәмле ашарга, затлы киенергә омтылу хас. Ләкин бу омтылыш безне чын, кешечә, табигать кушканча яшәүдән мәхрүм итмиме икән?

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: