16+

Эшче яшьләр дә сәхнәдә балкый: «Безнең заман» фестивале 14 меңнән артык хезмәткәрне берләштергән

Казанның «Пирамида» мәдәни үзәгендә эшче яшьләрнең XIV «Наше время – Безнең заман» республика телевизион иҗат фестиваленең гала-концерты узды.

Эшче яшьләр дә сәхнәдә балкый: «Безнең заман» фестивале 14 меңнән артык хезмәткәрне берләштергән

Казанның «Пирамида» мәдәни үзәгендә эшче яшьләрнең XIV «Наше время – Безнең заман» республика телевизион иҗат фестиваленең гала-концерты узды.

Быел сәхнәгә Татарстан предприятиеләре вәкилләре генә түгел, Россиянең башка төбәкләреннән һәм чит илләрдән килгән командалар да чыкты.

Фестивальдә катнашучыларны Татарстан Рәисе Рөстәм Миңнеханов исеменнән һәм республика парламенты депутатлары исеменнән Дәүләт Советы Рәисе Фәрид Абдулганиев сәламләде.

Аның сүзләренчә, «Безнең заман» — эшче яшьләрнең сәләтен ачарга, хезмәт коллективларын берләштерергә һәм яшь белгечләрнең һөнәри мохиткә җайлашуына ярдәм итәргә мөмкинлек биргән мөһим республика проектларының берсе.

— Фестивальнең үзенчәлекле атмосферасы яшь хезмәткәрләрне берләштерә, аларның иҗади үсеше өчен яхшы нигез тудыра. Ул коллективларда корпоратив рухны ныгыта, талантлы хезмәткәрләргә үзләрен җитештерүдә дә, иҗтимагый тормышта да күрсәтергә мөмкинлек бирә, — дип билгеләп үтте Фәрид Абдулганиев.

Ул шулай ук фестивальне оештыручыларга, остазларга, предприятие һәм муниципалитет җитәкчеләренә яшьләр инициативаларын хуплаганнары өчен рәхмәт белдерде.

фести. фото госсовет

Быелгы фестивальнең географиясе тагын да киңәйгән.

Татарстан командалары белән бергә Удмуртия, Казахстан, Үзбәкстан, Белоруссия һәм Төркия вәкилләре дә катнаша. Фәрид Абдулганиев фикеренчә, бу фестивальнең халыкара дәрәҗәдә дә кызыксыну уятуын күрсәтә.

госсовет. фото фест

Быел бәйгегә Татарстанның 38 муниципаль берәмлегеннән 135 предприятие, оешма һәм учреждение кушылган. Фестиваль хәрәкәте еллар дәвамында 14 меңнән артык яшь хезмәткәрне һәм республиканың барлык муниципаль берәмлекләреннән 2 меңнән артык предприятие һәм оешманы берләштергән.

«Безнең заман» фестивале Россия халыклары бердәмлеге елына, шулай ук Татарстанда игълан ителгән Хәрби батырлык һәм хезмәт фидакарьлеге елына багышланган чараларны дәвам итә.

Фәрид Абдулганиев ассызыклаганча, талантлы һәм инициативалы яшь хезмәткәрләр — республиканың сәнәгать потенциалын һәм тотрыклы икътисадын үстерүдә мөһим көч.

фести. фото госсовет

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading