16+

Татарстанның кайсы районы Бөтенроссия конкурсында җиңеп, 50 млн сум грант алачак?

Татарстанның Аксубай районы «Иң яхшы муниципаль практика – 2026» Бөтенроссия конкурсында беренче урынны яулады.

Татарстанның кайсы районы Бөтенроссия конкурсында җиңеп, 50 млн сум грант алачак?

Татарстанның Аксубай районы «Иң яхшы муниципаль практика – 2026» Бөтенроссия конкурсында беренче урынны яулады.

Җиңү өчен районга 50 миллион сум күләмендә грант биреләчәк. Акчалар яңа экологик парк булдыруга юнәлдереләчәк.

Аксубай районы I категориядә иң яхшы дип табылды. Федераль дәрәҗәдә «Мәйдан» иҗтимагый киңлеге тирәсендәге территорияне төзекләндерү проекты югары бәяләнде.

Проект милли бәйрәмнәр, спорт ярышлары һәм гаилә белән ял итү өчен заманча мәйданчык булдыруны күздә тота. Бүгенге көндә биредә сәхнәләр, амфитеатр, беседкалар, футбол кыры, чаңгы базасы һәм балалар мәйданчыгы бар. Шулай ук асфальт юл салынган, яктырту, видеокүзәтү һәм хәбәр итү системалары урнаштырылган.

50 миллион сумга нәрсә төзеләчәк?

Алга таба әлеге территорияне тагын да үстерү планлаштырыла. 50 млн сум күләмендәге грант хисабына экологик парк булдырырга ниятлиләр.

Яңа паркта:

  • ял итү маршрутлары;

  • уңайлы ял зоналары;

  • милли ишегаллары;

  • төзекләндерелгән пляж зонасы барлыкка киләчәк.

Аксубай районы башлыгы Алмаз Мингулов «Татар-информ» агентлыгына биргән әңгәмәсендә җиңүнең муниципаль команда хезмәтенә югары бәя булуын билгеләп үткән.

«Җиңү муниципаль команданың эшен тану һәм сайланган үсеш юнәлешенең дөреслеген раслау булды», – дип ассызыклаган ул.

Конкурста 33 төбәк катнашкан

«Иң яхшы муниципаль практика» Бөтенроссия конкурсы җирле әһәмияттәге мәсьәләләрне хәл итүдә уңышлы тәҗрибәләрне ачыклау һәм тарату максатыннан үткәрелә.

Быел конкурска Россиянең 33 төбәгеннән 1,3 меңгә якын гариза килгән. Гомуми приз фонды 1 млрд сум тәшкил иткән.

Аксубай районының әлеге конкурста җиңүе территорияне алга таба үстерү һәм халык өчен яңа ял итү мөмкинлекләре булдыру өчен зур мөмкинлекләр ачачак.

парк. фото aksubayevo.tatarstan.ru

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading