Шәһри Казан

«Әйдә мәчеткә, егет эзләргә!»

Аралаша торган таныш кызның: «Мәчеткә йөри башладым әле, мөселман егетләре белән танышасым килә, алар бит тәртипле дә, бай да. Мәчет каршында әнә нинди кәттә машиналар тора», - дигән сүзләре мине телсез калдырды. Аны якыннан белмәсәм, аптырамас та идем. Күп егетләрнең башын әйләндереп, ялангач килеш фотосессияләрдә йөрүче бу кыз кем башына...

Шушындый ямьсез күренешләр сирәк түгел инде хәзер. Иманлы, ныклы нигезгә корыласы мөселман гаиләләренең елдан-ел күбрәк таркала баруының бер сәбәбе дә шушы матди якка барып тоташа башлады. Нәтиҗәсе һәрвакыттагыча фатир-мал бүлүгә кайтып кала.
Мәчеткә йөрүче кызларның егетләрне үзара бүлеп куюларын да беләм. Әйе, әйе, туганымның кызы Зөһрә шәһәр мәчетенә укырга баргач, аны беренче көнне үк кайсы егетләргә күз салмаска икәнен кисәтеп куялар. Гәрчә егетләр, кызлар аерым укысалар да... «Әй кызлар, азрак тыйнаграк, иманлырак булсагыз, сезне егетләр үзләре үк сайлап алачаклар бит», - диясем килә бу кызларга.
Хәзер танышканда егетләрнең: «Мәһәргә фатир гына сорый күрмә, яме?» - дип шаяртулары урынсыз түгел. Безнең байлыкта йөзәргә яратучы кызларыбыз әлеге дини йоланы да үзләренең файдасына бик оста куллана башлаганнар икән бит. Аларны инде алтын бизәнү әйберләре генә канәгатьләндерми; фатир, чит ил машинасы һ.б. буй җитмәслек бүләкләр сорыйлар. Ә бит Мөхәммәд (с.г.в.): «Иң бәрәкәтле хатыннар шулдыр, кем мәһәрне иң аз сораучы», - дип әйткән. «Ирләренә ачык йөзле булган һәм зур мәһәргә дәгъва кылмаган хатыннар минем өммәтемнең иң гүзәлләреннән саналырлар» дигән хәдисне дә тәкъдим итәр идем әлеге кызлар игътибарына.
Хиҗап киюче мөселман кызларын интернет челтәрендә, матбугат битләрендә тәнкыйть «ут»ына нык тоталар бүген. Югарыда мисал итеп китерелгән кызлар иманлы мөслимәләребезнең дәрәҗәсен төшерә дә инде. Таныш егетләр, мөселман кызлары яулыкны тизрәк һәм уңышлырак кияүгә чыгар өчен генә бәйлиләр, дип сөйләгәннәр иде. Үзем очратмасам, бәлки ышанмаган да булыр идем. Андый «чүп үләннәрен» тиз генә аерып булмый икән шул.
Газета битләрендә сәхнә «йолдыз»ларының үзара узыша-узыша сөйгәннәренә бүләккә фәлән әйбер алып бирдем дип мактанулары да яшьләргә тискәре йогынты ясамый калмыйдыр. Кумирларының сүзләренә кызыгып, 15-18 яшьлек гүзәлләр, бүләк бәясенә карап, егет сайлый. Саф мәхәббәтне, ышанычны, иркәләп караган ягымлы күз карашын ничек инде акчага алыштырып булсын ди!
Дини гыйлем алмыйча, ислам кануннары белән яшәүнең ни икәнен дә белмичә, мөселман егетенә кияүгә чыгарга хыялланган кызларны да күктән җиргә төшерәсе килә. Сезнең: «Ничек шулай төренеп йөри аласыз?» - дигән соравыгызга җавапны, кияүгә чыккач, үзегезгә үк табарга туры киләчәк бит. Ирегез шулай теләсә, сез дә мөселманча киенеп, намазга басып, күп балалар багып, дини гамәлләр кылып яшәргә тиеш буласыз лабаса. Аңлаган кешегә бик рәхәт, ләззәтле, тыныч тормыш булса да, диннән ерак торган кешегә бу бик кызыксыз кебек тоелыр. Шуңа күрә әйдәгез, кызлар, мәчеткә егет эзләргә түгел, ә ихластан дини гыйлем, хикмәтле вәгазь тыңларга йөрик әле.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    16
    0
    0
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    755
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    589
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    439
    0
    0
Ночной режим