Шәһри Казан

Медведев урлаган вакыт

Дмитрий Медведевның 4 еллык президентлык чорында кабул иткән кануннары арасында күпмедер дәрәҗәдә файдалылары да, бер кирәксезләре дә булды. Аның уңышсызлыкка тарыган указларының берсе - Россиянең бөтен территориясендә тулысынча җәйге вакытка күчү. 2011 елның февралендә гамәлгә кертелгәннән соң ук, ул үзгәреш тәнкыйть утына тотыла башлады. Кыш көне җәйге вакыт буенча яшәп...

Реклама

Аның каравы, сыерлар бәхетле
Медведев бу карарын тормышка ашырырга җыенганда, тоташ җәйге вакытның байтак уңай якларын тапкан иде. Алар арасында электр энергиясенә экономия ясаудан алып сыерларның савымнары артуга кадәр аргументлар бар. Янәсе, сыер савучыларның вакыт алмашынган саен абзарга иртәрәк яки соңрак чыгулары сыерларның башларына берничек тә барып җитми, шуңа күрә алар сөтләрен әзерләп куярга җитешмиләр һәм азрак бирәләр. Хәзер, дөрестән дә, савым арткан үзе - фермерлар, бер сыердан көненә бер литрга күбрәк сөт савыла, дип шатланалар. Уттан файдалану да кимеде. Күпме экономия ясадык, дисезме? 0,3 процент чамасы, акчага күчергәндә, бу ел буена бер кеше 30 сумын янга калдыра дигәнне аңлата. Инде икенче кыш буе җәйге вакыт буенча яшәү тудырган уңайсызлыклар, проблемалар өеме янәшәсендә ул бер литр сөт, 30 сум акча һәм башка плюслар тузан бөртеге кадәр генә.
Халык хәзер, иртән торасың - караңгы, эштән кайтасың - караңгы, якты көнне күрми дә калабыз, дип зарлана. Кышның иң кыска көне - 21 декабрьдә кояш иртәнге унда гына чыкты. Өлкәннәр - эшкә, балалар мәктәпкә дөм караңгыда йөрергә тиеш дигәнне аңлата бу.
Кышкы вакытка күчми башлауның зыяны, беренче чиратта, үзен кеше сәламәтлегендә сиздертте. Кешенең организмы караңгыда яшәргә ияләшмәгән, таң атканчы тору безнең биологик сәгатьләребезне җимерә, бу кеше гомерен 10-15 елга кыскарта, дип исәпләп чыгарган белгечләр. Һәр иртә организм яңарсын һәм яшәү өчен мөһим процесслар эшкә керешсен өчен, кеше кояш белән бергә торырга, күзләрен ачуга, кояш нурларын күрергә тиеш икән. Сизенгәнсездер: хәзер кичтән йоклап китүе, иртән йокыдан айнуы бик кыенлашты, бу, аннан тыш тагын эштә гел йокы басу, организмның арыган булуы, ял соравы, аппетит бозылу - барысы да кышын сәгать телләрен артка күчермәүнең күңелсез нәтиҗәләре. Ул инсульт һәм инфарктлар очракларын, табибларга йөрүләр, ашыгыч ярдәм чакыртулар санын да нык арттырган. Караңгы вакытның озынаюы урамнарда тәртипсезләнеп йөрүләр, сугышулар, җинаятьләр, юл һәлакәтләре исәбенең үсүенә дә китергән.
Утка экономия ясау мәсьәләсе дә ике яклы булып чыккан. Эш шунда: йортлардагы күпчелек счетчиклар кышкы вакытка күчүгә программалаштырылган, шуңа күрә, дөрестән дә, азмы-күпме экономия ясау өчен кешеләргә 300-1500 сум түләп, ул аппаратларны көйләргә яки алмаштырырга кирәк.
Хаталар өстендә эш
Вакытның падишаһы булырга маташу теләгеннән Медведев хәзер үзе дә шат түгел икән инде. Хөкүмәт рәисе футбол карау кыенлашканына зарлана. Дөрестән дә, туры эфирда Европа, дөнья чемпионатларын карау өчен безгә яңа вакыт буенча төн уртасында да уяу булырга кирәк. Татарстанда быел Универсиада, киләсе елда Россиядә Олимпиада буласын исенә төшереп, Медведев хәзер үзе дә ялгышын таныган.
Хәзер хөкүмәттә хаталар өстендә эш бара. 20 декабрьдә уздырылган пресс-конференция вакытында Путин бу проблема халык фикерен исәпкә алу юлы белән хәл ителәчәген белдергән иде. Дума хөкүмәткә элеккеге кебек җәйге һәм кышкы вакытлар буенча яшәүгә кайту турында мөрәҗәгатен әзерләп тапшырган инде. Шулардан чыгып, быелдан октябрьнең соңгы якшәмбесендә сәгать телләрен бер сәгатькә артка күчерү гадәтен кире кайтарырлар дигән төпле ышаныч бар.
Шул ук вакытта, тулысынча кышкы вакытка гына да күчәргә була дигән сүзләр йөри. Галимнәр ул вакытның кешенең биологик сәгатьләре белән максималь якын туры килгәнен дәлилләп маташалар.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    48
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13286
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим