Учактай дөрләп китмәгез: 16-23 апрельгә йолдызнамә

Кучкар (21 март – 20 апрель)

Үзегез өчен яңа максатлар билгеләгез. Моның ярдәмендә үзегезне яңа яктан ачарга мөмкинлек туачак. Юлыгызда килеп чыккан кыенлыкларны чишәр өчен, үткәндәге тәҗрибәләрне искә төшереп карагыз.

Үгезбозау (21 апрель – 20 май)

Шаулы җәмгыятьтән качып, күңел тынычлыгын табарга тырышыгыз. Моның өчен табигатьтә ял итү, йога һәм тынычландыра торган чәйләр ярдәмгә килергә мөмкиннәр. Эчке дөньяда тәртип булмаса, чынбарлыкта да булмый.

Игезәкләр (21 май – 21 июнь)

Төркемдә эшләү зур уңышлар китерәчәк. Иң кыю идеялар да тормышка аша ала, моның өчен гадәти булмаган юллар аша эш итәргә кирәк. Тиздән тугры һәм ышанычлы элемтәләр урнаштырырга мөмкинсез.

Кысла (22 июнь – 22 июль)

Идеяләрегез дәфтәр битендә генә калырга тиеш түгел. Аларның чынга ашырсагыз, бик керемле эш башланып китергә мөмкин. Тик ашыгып эш итмәсәгез яхшырак. Бу мәсьәләдә салкын акыл таләп ителә.

Арыслан (23 июль – 23 август)

Сәламәтлегегез “йоклап” китәргә маташа. Уятып җибәрегез! Җылы кояшка чыгып спорт белән шөгыльләнегез. Гаиләгез дә кушылсын. Кызыклы уеннар, чаралар мөнәсәбәтләрне ныгытыр.

Кыз (24 август – 23 сентябрь)

Тиздән бер танышыгыз киңәш сорап килүе ихтимал. Кире бормыйча, утырып тыңлагыз. Бу минутта сез аның киләсе тормыш юлын билгеләргә ярдәм итә аласыз. Юл күрсәтүче фонарьне яндырып, ярдәм кулын сузыгыз.

Үлчәү (24 сентябрь – 23 октябрь)

Өй эшләре үзләрен үзләре эшләмәс, алар турында онытмагыз. Шуңа бу көннәрдә өйдәге чисталыкка, уңайлылыкка һәм тәртиплелеккә басым ясарга кирәк булачак. Шәхси тормыш өлкәсендә киртәләр белән очрашырга туры киләчәк. Хәер, алар ял көннәренә якынрак юкка чыгачак.

Чаян (24 октябрь – 22 ноябрь)

Ачуыгыз чамадан чыккан төсле булырга мөмкин. Учактай дөрләп китмәгез. Игътибарыгызны физик эшкә юнәлтегез. Бу онытылырга ярдәм итәр. Эш белән бәйле кызыклы тәкъдимнәр ял көннәрендә килергә мөмкин, аларны игътибарсыз калдырмагыз.

Укчы ( 23 ноябрь – 21 декабрь )

Сезгә тышкы кыяфәтегез белән шөгыльләнергә, имиджны үзгәртергә, үзегез өчен яңа юнәлешне өйрәнә башлап карарга киңәш ителә. Экспериментлардан һәм җәмгыять фикереннән курыкмагыз.

Кәҗәмөгез (22 декабрь – 20 гыйнвар)

Үзегездә көч кимү, кәеф төшү, ялгызлыкка омтылу хисләрен тоярсыз. Тик бу күренеш вакытлыча гына. Әлеге хәлне давыл алдыннан була торган тынлык итеп кабул итегез.

Сукояр (21 гыйнвар – 18 февраль)

Балачакта безгә ай саен акча эшләп барсак, елына бик зур сумма чыгар төсле тоела иде. Тик үскәч ул акча хаман каядыр китеп бара. Шуңа, Сукоярлар, акча арттыру өчен сезгә бер киңәш – эшләргә һәм тагын бер кат эшләргә.

Балык (19 февраль – 20 март)

Үткәндәге проблемалар, быелгы кыш сыман: яз уртасында көтелмәгәндә тәрәзә шакырга мөмкин. Суыктан җылы киенеп котылып булса, болардан алай тиз котылып булмас. Чишү юлын эзләргә туры киләчәк.

Фото: ru.freepik.com