Йолдызнамә (11-18 август)

Кучкар (21 март-20 апрель)
Уңышлы атна. Киләчәктә саллы гына керем китерә торган кызыклы эшләр барлыкка киләчәк. Яңа һөнәр үзләштерү мөмкинлеге туачак, баш тартмагыз, алдагы көндә кирәге чыгачак.

Үгезбозау (21 апрель-20 май)
Курыкмыйча берюлы берничә төрле эшкә тотына аласыз. Тик көчегезне кирәкмәгәнгә сарыф итмәгез: башта иң мөһим эшләрегезне башкарыгыз. Карьера  өлкәсендә уңыш елмаерга охшап тора.

Игезәкләр (21 май-21 июнь)
Аралашу даирәгездәге ялагай кешеләрдән сак булыгыз. Эмоцияләрегезне контрольдә тотыгыз, югыйсә, тигез урында бәхәсләсләшеп китүегез ихтимал. Конфликтларны вакытында чишәргә өйрәнегез.

Кысла (22 июнь-22 июль)
Ашыкмагыз, кабаланмагыз. Җиде кат уйлап, бер кат кисегез. Курыкмагыз: сезнең проблемаларыгызның күпчелеге чүп кенә. Атна ахырында күп сорауларыгызга ачыклык керер.  

Арыслан (23 июль-23 август)
Теләкләрегез үзгәреп кенә тора, нәрсә теләгәнегезне үзегез дә белмисез бугай. Эшләрегез таудай өелгән, ә кулыгыз берсенә дә бармый. Ялкаулыкка бирешмәгез, калган эшкә кар ява.   

Кыз (24 август-23 сентябрь)
Бары тик үзегезгә генә ышаныгыз, интуициягезгә таяныгыз. Чит кешеләрдән киңәш сорарга ашыкмагыз. Ул барыбер проблемагызны чишәргә ярдәм итмәс. Күптән аралашмаган дусларыгыз белән очрашу өчен яхшы вакыт.  

Үлчәү (24 сентябрь-23 октябрь)
Баштанаяк эшкә чумачаксыз һәм... шуннан бик зур рәхәтлек кичерәчәксез. Әллә кайчаннан җыелып килгән эшләрдән тиз котылу сезгә тагын да күбрәк көч-куәт өстәячәк.

Чаян (24 октябрь-22 ноябрь)
Тынгысызрак атна булырга охшап тора. Бер эшләгән эшегезне яңадан эшләргә, туры килүе мөмкин. Бу сезнең ачуны китерәчәк. Тынычланыгыз, барысы да яхшы булыр. Үзегезгә яңа шөгыль уйлап табыгыз.  

Укчы (23 ноябрь-21 декабрь)
Атнаны файдалы итеп үткәрергә тырышыгыз. Акча белән бәйле мәсьәләләрге уңышлы хәл итәчәксез. Ялларыгызны гаиләгезгә багышлагыз, алар сезнең игътибарыгызга сусаган.  

Кәҗәмөгез (22 декабрь-20 гыйнвар)
Эш урынында күп нәрсәнең сез дигәнчә килеп чыкмавы ачуыгызны китерә. Артык борчылмагыз, сәламәтлегегез турында уйлагыз. Өйдәге эшләрегезне озакка сузмый гына, вакытында хәл итегез.   

Сукояр (21 гыйнвар-18 февраль)
Булмый инде бу, дип, кул селтәгән эшегездә уңышка ирешерсез. Чөнки башкалар күрмәгәнне дә күрә беләсез. Хезмәттәшләрегез сезне кайбер мәсьәләләргә җитди карамый, дип уйларга мөмкин. Алар фикерләрен үзгәртәчәк.

Балык (19 февраль - 20 март)
Ял кирәк. Сез бик нык арыйсыз, сәламәтлегегез турында уйлагыз. Вакытыгызны күбрәк якын кешеләрегезгә багышлагыз. Алар белән аралашу сезнең кәефегезне күтәрер. Атна азагында зур сөенеч килеп ирешер.