Шәһри Казан

Йолдызнамә 13-20 октябрь

Хезмәтегез өчен зур бүләк алырсыз. Җиңел баю белән бәйле авантюралардан ераграк торыгыз.

Кучкар (21 март - 20 апрель)   
Пәнҗешәмбе көнне җитәкчелек сезнең яңа идеяләрегезне хупларга мөмкин. Иң мөһиме - аларны сөйләп бирү мөмкинлеген табу. Ялларда сезне рухи һәм иҗади үсеш көтә. Дөрес, моның өчен сезнең тырышлык таләп ителәчәк.

Үгезбозау   (21 апрель - 20 май)
Эшегез гомердә булмаганча күп, ләкин бу сезне куркытмый. Хезмәтегез өчен зур бүләк алырсыз. Җиңел баю белән бәйле авантюралардан ераграк торыгыз. Бу атнада яңа һөнәр үзләштерерү, югары хезмәт хакы ала торган эш табу мөмкинлеге зур.

Игезәкләр (21 май - 21 июнь)
Бу атнада сезне кызыклы һәм отышлы проектлар һәм эшләр көтә. Әгәр дә актив һәм креатив булсагыз, бик яхшы нәтиҗәләргә ирешерсез. Җитәкчегез сезгә премия язачак яки хезмәт хакыгызны күтәрәчәк. Гаиләгездә күңелле үзгәрешләр булыр яисә кечкенә бәби туар, дип көтелә.

Кысла (22 июнь - 22 июль)
Эшләрегез җайга салына. Шул халәтегездән ләззәтләнегез. Теләгән очракта сез иң кыю ниятләрегезне дә тормышка ашыра алачаксыз. Эшегездә иҗади һәм рәхәт атмосфера урнашачак. Җомга көнне дусларыгыз белән очрашыгыз, боулингка яки кинога барыгыз.

Арыслан  (23 июль - 23 август)
Планнарыгыз һәм ниятләрегез гамәлгә ашырылса да, шатлык китермәскә мөмкин. Тормыш сез уйлаганча гына бармый бит. Карьера күтәрелешенә омтылу сезнең нервларыгызны һәм сәламәтлегегезне какшатырга мөмкин. Шуңа күрә, булганына шөкер итеп, сөенеп яшәгез.

Кыз  24 август - 23 сентябрь
Дөнья сез дигәнчә бармаганга, паникага бирелергә кирәкми. Бәлки, ул яхшыгадыр. Пәнҗешәмбе көнне юридик мәсьәләләрне хәл итү уңышлы. Тулаем алганда, атна яхшы кәеф алып килергә тиеш. Шимбә көнне дусларыгызның ярдәменә өмет итегез.

Реклама

Үлчәү  (24 сентябрь - 23 октябрь)
Бу атнада сезнең тормышыгызда позитив үзгәрешләр булырга мөмкин, әмма алар вак адымнар белән киләчәк. Шуңа да карамастан, сез бик күп нәрсә эшләргә өлгерерсез. Җомга көнне дусларыгыз белән аралашуга багышлагыз, алар белән ихлас күңелдән сөйләшегез.

Чаян  (24 октябрь - 22 ноябрь)
Бу атнада сез җиңеллек тоячаксыз, ачуыгызны китергән күп кенә каршылыклар үткәндә калачак. Артык кырыслык теләсә кемне куркытырга мөмкин, гадиерәк булырга тырышыгыз. Әгәр яратсагыз, хисләрегезне яшермәгез. Нәкъ менә хәзер сез шәхси бәхеткә ирешә аласыз.

Укчы  (23 ноябрь - 21 декабрь)
Бу атнада очраклы хәлләр күп булырга мөмкин. Мәсәлән, сезне уйламаганда, кинәт кенә ялга җибәрергә мөмкиннәр. Шулай ук, сез файдалы танышлыклар булдыра аласыз, моңа сезнең матур сөйләү сәләтегез һәм әйләнә-тирәдәгеләрне ышандыра белүегез ярдәм итәчәк.

Кәҗәмөгез  (22 декабрь - 20 январь)
Бу атнада сезне җитди тормыш үзгәрешләре көтәргә мөмкин. Бәлки, сез яраткан кешегезнең хыянәте яки эшлекле партнерыгызның намуссызлыгы турында белерсез. Өйдәгеләр белән йомшаграк булырга тырышыгыз, кирәк булганда, аларга ярдәм итегез.

Сукояр  (21 январь - 18 февраль)
Хезмәттәшләрегез һәм якыннарыгызга карата эгоистлык күрсәтмәскә тырышыгыз, вакчыл булмагыз. Пәнҗешәмбе көнне сезне күп нәрсә борчыячак, әмма якыннарыгызның тискәрелегенә тискәрелек белән җавап бирмәскә тырышыгыз. Гаиләдәгеләрне тынычландыра алырлык көч сездә генә булачак.

Балык  (19 февраль - 20 март)
Сезне теләсә кайсы эштә уңыш озата барачак. Сезне бер-бер артлы күңелле сюрпризлар көтә. Ялгыз Балыклар үз насыйп ярын очратырга мөмкин. Җомга көнне эчке киеренкелектән котылыгыз, рәхәтләнеп, онытылып ял итәргә курыкмагыз.

Фото: https://pixabay.com/ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: