#Киңәш сандыгы 18 октября 2019, 07:27

Итне атнага бер мәртәбә генә ашарга кирәк?!

18 октября 2019, 07:27

Россия Сәламәтлек саклау министрлыгының эндокринология илкүләм медицина тикшеренү үзәгенең терапевт-эндокринологы Фатыйма Дзагоева «RT» басмасы белән әңгәмәдә дөрес туклану буенча киңәшләр биргән.

Скопировать ссылку

Аныңча, итне атнага бер мәртәбә генә ашарга кирәк. Бу чикләү кош итенә кагылмый. Ә колбаса һәм сосискалардан бөтенләй баш тарту хәерле.
Моннан тыш, ул йомырканы көн саен ашарга ярамый дигән фикерне кире какты. Аның сүзләренчә, пешкән бер йомырка ашау зыян китермәячәк.
В төркеме витаминнары организмга керсен өчен, ярмалардан һәм дөрес әзерләнгән икмәктән баш тартмаска кирәк. Ә менә тозлы һәм баллы ризыкны азрак ашагыз.
Акрын үзләштерелә торган углеводлар, бөтен бөртекле, кузаклы культура ризыклары, зәйтүн мае һәм чикләвекләр матурлык һәм сәламәтлек өчен дөрес туклану стиле булып тора.