Шәһри Казан

Кара тмин мае үлемнән кала барлык авырулардан да ярдәм итә

Кара тмин бик күп авырулар вакытында файдаланыла. Пәйгамбәребез Мөхәммәд (с.г.с.)нең дә: «Кара тминда үлемнән башка барлык авыруларга да дәва бар», – дигән хәдисе билгеле. Аның составында май кислоталары, аминокислоталар, А, В, В2, В3, В6, Вд, С, Е провитаминнары, эфир майлары, минераль матдәләр, макро- һәм микроэлементлар бар.

 Күпләр кара тминның маен куллана. Әмма кайберләре аны дөрес вакытта һәм дөрес итеп эчә белми. Ашказаны, нечкә һәм юан эчәклек, бавыр, гәүдәнең урта һәм аскы өлеше өчен әлеге майны ашар алдыннан эчегез. Дәвасын нерв системасына, үпкәләргә, йөрәк, баш миенә, гәүдәнең өске өлешенә күрәсегез килсә, ашаганнан соң эчәргә кирәк. Йокы яхшы булсын дисәгез, төнгә каршы эчү дөрес.

Тмин маен төрле кеше төрле күләмдә куллана. Аны һәркем үзе сайлап, организмының халәтенә карап эчә.

Беренче ысул: иртән ашарга 15-30 минут кала һәм кич белән ашаганнан соң 1,5 сәгать үткәч, 20шәр тамчы (1 бал кашыгы).

Икенче ысул: ашар алдыннан (иртән яки кич) 15-30 минут кала бер чәй кашыгы эчәргә һәм аның артыннан ук бер аш кашыгы бал салынган ярты стакан су эчү мәслихәт.

Өченче ысул: ярты стакан суга 1 чәй кашыгы тмин мае һәм бер аш кашыгы бал саласыз да, шуны иртән яки кич белән ашарга ярты сәгать кала эчәсез.

Реклама

Тмин маен авырткан урынга сыларга да була, болай иткәндә әз генә җылытырга кирәк. Аны күп кенә белгечләр массаж ясар алдыннан да сылый.

Ингаляция өчен файдаланылмый торган чәйнеккә өч-дүрт стакан су салып, кайнатып чыгарасыз һәм уттан алып, аңа бер-ике аш кашыгы тмин мае саласыз да, шуның парын сулыйсыз. Башыгызга сөлге капларга онытмагыз. Моны иртән һәм кичен биш-ун минут эшләгез.

Баш авыртканда кара тмин маен маңгаегызга һәм колак яннарына ышкыгыз. Бер чәй кашыгы эчәргә дә кирәк. Аңардан соң баллы ризыклар ашамагыз.  

Ревматизм булганда тмин маена зәйтүн маен кушып сылау да нәтиҗә бирә.

Ютәлдән җәфаланганда иртән ач карынга бер чәй кашыгы тмин мае эчегез. Аңардан соң ике сәгать су яки чәй эчмәскә.

 

Нравится
Поделиться:
Реклама
Комментарии (0)
Осталось символов: