Кыяр тозлау рецепты

Банкаларны парландырам, кыярларны юам, салкын суда бераз тотам. Банкаларга укроп, карлыган яфрагы, чия яфрагы, сарымсак һәм кыяр тутырам. Өстенә кайнаган су салам, 15 минут тотам. Аннан бу суны түгәм. Рассолын аерым ясыйм. Ике литр суга ярты стакан шикәр комы, ярты стакан 9 процентлы уксус, ике аш калагы ярым тоз салып кайнатып чыгарам да банкага салам. Тәмләткечләрне үзегезгә карап салыгыз, кибет тәмләткече дә ярый, мин инде борычлар, кәнәфер салып ябам.

Фото: http://pixabay.com