Шәһри Казан

Мунчачы, чабындыручы Булат Сираҗиевтан КИҢӘШЛӘР

Мунчага атнага бер тапкыр, аннан да артык йөрергә кирәкми. Ешрак чабынган саен, тир белән файдалы минерал матдәләр дә чыга.

Күпләр мунчада парлану өчен аның температурасы 100-120 градус булырга тиеш дип уйлый. Имештер, күбрәк булган саен яхшы. Андый температурада өч минут кына утырып була. Мунча бит ул җәзалый торган бүлмә түгел, нишләп анда кеше түзеп-чыдап утырырга тиеш. Иң кулай температура – 65-75 градус, дымлылык 50-60 процент булса яхшы.

Утырып та, басып та парланырга була, әмма ятып парлансаң, нәтиҗәсе күбрәк, чөнки кешенең бөтен тәне, аяклары да, башы да бер үк температурада була, эссе тәнгә тигез тарала.

Башыгызга башлык кияргә онытмагыз.

Реклама

Спиртлы эчемлекләр эчмәгез. Ул организм, бигрәк тә бавыр өчен зыянлы. Син мунчага ял итәргә, сәламәтлегеңне яхшыртырга дип киләсең, чынлыкта киресенчә булып чыга.

Мунчага барганда, ашказаны тулган да булмасын, ач килеш тә бармагыз. Кайберәүләр күп итеп ашау алып килә, бу дөрес түгел, чөнки организмга артык зур көч килә. Ул ризыкны эшкәртсенме, әллә эсседән саклансынмы? Ашказаны тулган кеше тиз арый, мунчада озак тора алмый. Мунча алдыннан, аннан соң да тән температурасындагы су яки үләнле чәй эчәргә кирәк. Квас, каһвә, кара чәй эчәргә киңәш ителми. Салкын су эчү дә дөрес түгел.

Мунча себеркесен дөрес итеп парландыру өчен башта аны бер сәгатькә салкын суда тотасың, аннары биш-ун минутка 55-60 градус кайнарлыктагы суга тыгып аласың. Су бик кайнар булса, ул артык йомшак була.

Нравится
Поделиться:
Реклама
Комментарии (0)
Осталось символов: