#Киңәш сандыгы 03 августа 2019, 12:05 Уку өчен 2 минут

Сарымсакны ничек сакларга?

03 августа 2019, 12:05

Уку өчен 2 минут

Сарымсакны июль ахырында ала башлыйлар. Иртә өлгерешлесен утыртканнан соң 85-95 көн үткәч казып алырга була. Соң өлгерә торганын – 100-110 көннән. Нинди сорт икәнен белмәсәгез, сарымсак аны үзе үк «әйтәчәк». Яфрагы саргайган, чәчәкләрнең тышчасы ярылган булса, казып алырга була.

Скопировать ссылку

Сарымсакны киптергәннән соң, кышка сакларга куябыз. Моның берничә ысулы бар.

Киптерелгән сарымсакның тамырчаларын шәм белән яки газ плитәсе өстендә сак кына яндырып алабыз да пыяла банкага тутырып куябыз. Капкач белән япмыйбыз.

Кайбер бакчачылар аны он белән аралаштырып саклый. 3 литрлы банкага он салабыз да өстенә сарымсакны куябыз. Алар өстенә тагын он сибеп, икенче кат сарымсакны куеп чыгабыз. Шул рәвешле банканы тутырып бетерәбез. Иң өстә он калырга тиеш. Капкач белән каплап, шкафта саклыйбыз.
Кемнәрдер он урынына тоз куллана.

Кызыклы яңалыкларны күзәтеп бару өчен Вконтактега кушылыгыз.