#Киңәш сандыгы 04 февраля 2019, 15:03

Суык көнне мандарин ашамагыз!

04 февраля 2019, 15:03

Урамга тук ашказаны белән чыгарга кирәк, ризык тәндә җылыны сакларга булыша. Шул ук вакытта ул кайнар да булмасын. Әгәр дә кайнар аш ашап чыксагыз, температура кинәт төшә һәм йөрәккә, кан тамырларына көчәнеш килә. Шуңа да кайнар булмаган туклыклы ризык ашагыз.

Скопировать ссылку

Рационыгызга майлы ризык кертегез. Алар, аксым белән углеводка караганда, энергияне ике тапкырга күбрәк бирә. Майлы ризык дигәндә, сыер мае, майлы балык һәм ит күздә тотыла. Йомырка ашау да дөрес. Бер стакан җылы сөт эчсәгез дә була.

Ә менә урамга чыгар алдыннан бал ашарга яратмый. Ул организмны җылыту үзлегенә ия. Җылынган организм урамдагы суыкка әзер булмыйча, шунда ук салкын тидерүегез бар. Исерткеч эчемлекләр дә җылытмый. Кан тамырлары кысылып, киресенчә тизрәк туңачаксыз гына. Бал кебек үк, борыч, имбир, дарчин (корица) да организмны җылыта. Иммунитетны ныгытыр өчен С витамины бик кирәк. Әмма урамга чыкканда аларны ашамый торыгыз, чөнки мандарин белән әфлисун организмны суыта.