16+

Теплица өчен иң яхшы 10 сорт борыч

Абрикосовая фаворитка” – иртә өлгерә торга татлы борыч. Ул теплицада үстерү өчен уйлап табылган, әмма аны ачык грунтка да утыртучылар бар. Тәбәнәк кенә (40-50 см) үсә торган бу төр конус формасында, ачык әфлисун төсендә була. Эре булмаса да, сусыл борыч.

Теплица өчен иң яхшы 10 сорт борыч

Абрикосовая фаворитка” – иртә өлгерә торга татлы борыч. Ул теплицада үстерү өчен уйлап табылган, әмма аны ачык грунтка да утыртучылар бар. Тәбәнәк кенә (40-50 см) үсә торган бу төр конус формасында, ачык әфлисун төсендә була. Эре булмаса да, сусыл борыч.

“Авангард”ны теплицада да, ачык һавада да үстерергә мөмкин. Ул зур уңыш бирә торган сорт. Теплицада 1,5-1,8 метрга кадәр үсәргә, поликарбонаттан эшләнгән теплицаларда 3 метрга кадәр җитәргә мөмкин. 1 квадрат метрга 3 төптән артык утыртырга киңәш ителми. Эре (авырлыгы 350-400 гр), сусыл, хуш исле бу сорт өлгергәннән соң кызыл төскә керә. Вирусларга чыдам.

“Агапов” сорты 60-80 см булып үсә. Ачык кызыл төстә була. Борычлары ярыйсы ук эре, күп уңыш бирә торган сорт.

“Атлант F1” 80 сантиметрдан да биегрәк булып үсми. Озынча, конус формасындагы бу төр өлгергәч ачык кызыл була. Калынлыгы 4-5 мм чамасы, сусыл, хуш исле. Үзгәрүчән табигать шартларына чыдам.

“Баргузин” борычы иртә өлгерә торган сортларның берсе. Уртача биеклектә (80-100 см), җәелеп үсә. Бу төр борычның яфракларын кискәләп торасы юк, димәк, каравы да җиңелрәк. 1 квадрат метрга 5 төптән дә артык утыртмаска киңәш ителә. Борыч 15-16 см, 200 гр чамасы булып үсә. Татлы, сусыл, хуш исле бу сорт сары төстә була.

“Белладонна F1” сорты иртә өлгерә. Теплицага утырту өчен идеаль сортларның берсе. Ачык һавада утыртырга мөмкин. Өлгергәннән соң ачык сары төскә керә. Куаклар 60-80 см булып үсә. Табак мозаикасы вирусына чыдам.

“Богатырь” сортына юкка гына мондый исем бирмәгәннәр. Бу ныклы сабаклы, 50-70 см биеклеккә җитә торган кызыл төстәге борыч. Югары уңыш бирүе өстенә ул гөмбәчек авыруларына, салкыннарга чыдам. “Богатырь” яхшы саклана.

“Желтый бык F1” сорты теләсә нинди типтагы теплицада үсә торган борыч. Аның биеклеге 1,5 метрга җитәргә мөмкин. Бу сорт борычның яфракларын даими кискәләп тору сорала. Озак вакыт дәвамында уңыш бирә. “Сары үгез” уңышын салкыннар башланганчы җыя алачаксыз. Борычлары эре – 400 гр авырлыкка кадәр җитә. Сары төстәге бу сорт итләч, сусыл, баллы була. Табак мозаикасы вирусына чыдам.

“Звезда Востока шоколадная F1” сортлы борыч иртә өлгерә торганнардан. Бу төр зур куак булып үсә, биеклеге 70 сантиметрга җитә. Эре, цилиндр формасындагы җимешләре карасу-көрән төстә була. Башкалардан ул баллылыгы белән аерылып тора, сусыл була. 1 квадрат метр мәйданнан 8-10 килога кадәр уңыш алырга мөмкин. Авыруларга да бирешми.

“Изабелла F1”не теплицада да, ачык грунтта да үстерергә була. Өлгергән җимешләр ачык кызыл төстә була. Куак үзе 60 сантиметрга җитәргә мөмкин. Вирусларга чыдам, сусыл, татлы җимеш бирә.

Фото: https://unsplash.com/

Язмага реакция белдерегез

3

0

0

0

0

Реакция язылган инде

Комментарийлар

Мөһим

loading
2
X