#Киңәш сандыгы 18 января 2019, 07:03

Тиз тынычлануның 7 АЛЫМЫ

18 января 2019, 07:03

1. Позитив эзләгез. Стресс әле ул дөнья бетү түгел. Кичкә планлаштырган кичә башка вакытка күчерелсә, өйдә гаилә белән ял итү өчен бер сәбәп итеп карагыз. Күлмәгегезне ялгыш ертсагыз, гардеробны яңартырга сәбәп булыр.

Скопировать ссылку

2. Тирән итеп сулагыз. Ул канга кислород китерә, артык адреналинны куа. Моның өчен тирән сулыш аласыз, аны унга кадәр санаганчы тоткарлыйсыз һәм сулышны акрын гына чыгарасыз.

3. Чүгәләп яки кулыгызда резин тупны кыскалап алыгыз.

4. Баллы әйбер ашагыз. Тәмле ризык стресска каршы көрәшергә ярдәм итә.

5. Башкаларны искә төшерегез. Каядыр барасы юлыгыз бүлендеме? Авырып китеп, туган көнгә бара алмыйсызмы? Мондый вакытта хәлләре сезнекеннән дә мөшкелрәк булган кешеләрне искә төшерегез.
Салкын тиеп авыру ул аяксыз-кулсыз яту түгел. Сез – үз тормышыгызның хуҗасы.

6. Проблемагызны кемгә дә булса сөйләгез, тынычланып китәрсез.

7. Рәсем ясагыз. Ул күңелсез уйлардан котылырга булыша, игътибарны читкә юнәлтә.

Кызыклы яңалыкларны күзәтеп бару өчен Телеграм-каналга кушылыгыз.