Абау! Үз хатыны белән бутап башка хатынны кыйнаган

Зыян күргән 27 яшьлек хатын-кыз хокук саклаучыларга мөрәҗәгать иткән. Аның аңлатуынча, ул подъезд төбендә телефоннан сөйләшеп торганда, янына бер ир килеп, аны чүкеч белән кыйный башлаган.

Хатын-кыз узып баручылардан ярдәм сорап кычкыргач кына ир качкан. Зыян күрүчене “ашыгыч” ярдәм белән хастаханәгә алып киткәннәр. 

47 яшьлек ир тоткарланган. Аның элегрәк хөкем ителгән булуы мәгълүм. Ул әлеге хатын-кызны үзенең хатыны белән бутавын сөйләгән. Ир белән хатын арасында низаг чыккан булган.