2020 елда Россия халкын нинди бәйрәмнәр һәм ял көннәре көтәчәге мәгълүм. Бу хакта Россия Хезмәт министрлыгы хәбәр итә.
Шулай итеп, тиздән килеп җитәчәк Яңа ел бәйрәмнәрендә дә, май бәйрәмнәрендә дә сигезәр көн ял итәчәкбез.
“2020 елда түбәндәге ял көннәрен: 4 гыйнвар шимбә көнен – дүшәмбе 4 майга; 5 гыйнвар якшәмбене – сишәмбе 5 майга күчерергә”, - диелә документ проектында.
“Шулай итеп, 2020 елда болайрак ял итәчәкбез: 2020 елның 1 гыйнварыннан – 8 гыйнварына кадәр - Яңа ел һәм Раштуа бәйрәмнәре; 22, 23, 24 февральдә - Ватанны саклаучылар көне; 7, 8, 9 март - Халыкара хатын-кызлар көне; 1, 2, 3, 4, 5 май - Яз һәм хезмәт бәйрәме; 9, 10, 11 май - Җиңү бәйрәме; 12,13, 14 июнь - Россия көне; 4 ноябрь - Халыклар бердәмлеге көне”, - диелә хәбәрдә.
Иң мөһим һәм кызыклы язмаларны Татмедиа Telegram-каналында укыгыз
