Альберт Нурминский үзенең интернет кибетен ачкан

“Бүген минем иҗатымны үз итүчеләр өчен истә кала торган дата. Мин  командам белән үземнең мерч кибетемне ачам. Без махсус синең өчен топ кием, топ рәсемнәр  булдыру өчен бик күп эшләдек”, -дип хәбәр итә социаль челтәрдәге шәхси сәхифәсендә Альберт.

Интернет кибетендәге бәяләргә караганда, алар чагыштырмача кыйммәт түгел. Һәрхәлдә, гадәти кибетләрдәгеләрдән аерылып тормый. Анда футболка, свитошоп, худи һәм бейсболкалар алырга була.

Билгеле булганча, Балтач районының Норма авылыннан чыккан Альберт Нурминский (Шәрәфетдинов) хәзерге вакытта Мәскәүдә яшәп иҗат итә.