#Кыскача яңалыклар 05 ноябрь 2020, 09:40

Көймә белән чыгып киткән балыкчылар томанда адашкан

05 ноябрь 2020, 09:40

Татарстанда көймә белән балыкка киткән җирдән югалган ике балыкчыны коткарганнар. Алар камышлар арасында адашкан булган.

Скопировать ссылку

Минзәлә районының Ык елгасында ике балыкчының югалуы турындагы хәбәр 4 ноябрьдә кичке сәгать 5лрә тирәсендә килеп ирешә. Ир-атлар тирә-якта су булуын, яр буеның күренмәвен, томан аркасында кая барырга белмәүләрен хәбәр итә. Моннан тыш, алар бик нык туңуларын һәм ягулыкның бетүгә баруын әйтә.

Югалган балыкчыларны эзләргә коткаручыларга томан комачаулый. Шуңа да көймә яр буеннан 12 чакрым ераклыкта кичке сәгать 9дан соң гына табыла. 61 һәм 65 яшьлек балыкчылар үзләрен яхшы хис итүен белдерә.

Кызыклы яңалыкларны күзәтеп бару өчен безнең МАХ каналына кушылыгыз.

#балыкчылар #кеше югалу #рыбаки