Хәрби корреспондент Александр Коц социаль челтәрдәге сәхифәсендә махсус хәрби операция уздыру зонасында булган мобилизацияләнгәннәрне кайчан алыштыра башлаячаклар дигән сорауга җавап биргән.
Хәрби корреспондент Александр Коц социаль челтәрдәге сәхифәсендә махсус хәрби операция уздыру зонасында булган мобилизацияләнгәннәрне кайчан алыштыра башлаячаклар дигән сорауга җавап биргән.
"Бу чын элита", - дип тасвирлаган мобилизацияләнгәннәрне хәрби журналист. Аның сүзләренчә, бу кешеләр бүгенге көндә дөньяда иң яхшы пехота, чөнки алар гаять зур хәрби тәҗрибә алган.
"Әлбәттә, командованиенең мондый тәҗрибәле сугышчыларны җибәрәсе килми, бу хәрбиләр катлаулы шартларда да теләсә нинди мәсьәләләрне хәл итә ала", дип өстәгән ул.
Шул ук вакытта, Александр Коц әйтүенчә, хәзер контрактчылар җыю дәвам итә. Бүгенге көндә армиянең максималь рөхсәт ителгән саны миллион ярым кеше дип билгеләнгән. Армиянең саны иреклеләр (добровольцы ред.иск.) белән бергә миллион ярымнан артып киткәндә, "мобилизацияләнгәннәрне әкренләп өйләренә җибәрә башларга" мөмкин булачак, дип йомгаклаган хәрби журналист.
фото видеодан скриншот
Кызыклы яңалыкларны күзәтеп бару өчен безнең МАХ каналына кушылыгыз.
#Шоу-бизнес
#Шоу-бизнес
#Төрлесе
Комментарийлар