Татарстан «Россия лидерлары 2020» бәйгесендә катнашучы топ-5 Идел буе регионы исемлегенә кергән.
Ярымфинал ярышлары Түбән Новгородта үтәчәк. Анда Татарстаннан 49 кеше катнаша, дип хәбәр итә бәйгенең матбугат үзәге.
Ярымфиналга 335 катнашучы үткән. Түбән Новгородтан - 48, Самара өлкәсеннән - 41, Башкортстаннан - 50, Татарстаннан 49 кеше яхшы нәтиҗәләр күрсәтеп, бәйгенең ярымфиналына чакырылган.
Ике мөһим ярымфинал 1нче һәм 2нче февральдә узачак. Катнашучыларга үзләренең лидерлык сыйфатларын күрсәтеп, финалга чыгу өчен көрәшергә туры киләчәк.
2 февраль кичендә нәтиҗәләр ясалып, финалга чыгучыларны билгеләячәкләр һәм алар Сочига чакырылачак.
Иң мөһим һәм кызыклы язмаларны Татмедиа Telegram-каналында укыгыз
