Татарстан укытучылары өчен куанычлы хәбәр

«Татарстан дәүләт, муниципаль һәм башка мәгълүмат системаларына, шулай ук интернетка куркынычсыз керү мөмкинлеген тәэмин итәчәк. Шуңа ул „Цифрлы мәктәп“ стандарты буенча мәгариф оешмаларының IТ-инфраструктурасын формалаштыра торган федераль проектка керде», — дип хәбәр итә ТР Мәгариф һәм фән министрлыгы матбугат хезмәте.

Проектны 2022-2023 елларда гамәлгә ашырырга җыеналар. Ул мәгариф оешмаларын матди-техник база белән җиһазландыруны, кабельле системаларны, локаль хисаплау һәм Wi-Fi челтәрләрен модернизацияләүне күздә тота. Быел учреждениеләрне тикшерү һәм проект документациясен ясау планлаштырыла.

Моннан тыш, «Татарстан Республикасында электрон мәгариф 2.0» проектын гамәлгә ашыру башланачак. Ул «Татарстан Электрон мәгариф» дәүләт мәгълүмат системасын киңкүләмле модернизацияләү белән бәйле.

Чыганак: Татар-информ