Тәрәзәдән егылып төшеп һәлак булган баланың әти-әнисен ни көтә?

Искәртеп узабыз, 11 май көнне Әлмәттә якынча 18.30да фаҗига килеп чыга, күп фатирлы йортның 8 катындагы тәрәзәдән 2 яшьлек бала егылып төшеп һәлак була. 
«Бу хәлне шул йортта яшәүчеләр күреп ала һәм шунда ук табиблар чакырталар. Һәлак булган кызчык яшәгән фатирда тагын 6 һәм 4 яшьлек ике бала табыла. Әти-әниләре бу вакытта эштә була», - дип билгеләп үтте Нагаев.
Әти-әнинең шәхесләре билгеләнгән, алар Урта Азиядән күченеп килгән.
«Балаларын тиешенчә карамаган әти-әнинең гамәлләренә бәя биреләчәк. Тикшерү нәтиҗәләре буенча тиешле чаралар күреләчәк», – дип өстәде Нагаев. Әлеге факт буенча Россия Җинаять кодексының 109 маддәсе буенча “Саксызлык аркасында үлемгә китерү” буенча җинаять эше кузгатылган.  Әлеге маддә буенча ике елга кадәр иректән мәхрүм ителү күздә тотыла.
Фото: https://almetievsk-ru.ru/