Урамда кеше күп. Президент контрольне көчәйтергә боерды

Чыннан да, махсус санитар-эпидемиологик режим чоры булуга карамастан, урамнарда кеше бихисап. Сер түгел, күбебез өйдә бер атна утырып арыгач, урамнарга сибелдек. Янәсе, сөйләгәннәрнең барысы да ялган, "безгә барыбер килеп җитмиячәк", һәм, хәтта, арабызда "дәүләт безне бәйлелектә тотмакчы, шуңа куркыта", дип әйтүчеләр дә табылды.

Шуңа шалтыратучыларның күпчелеге үзизоляцияләү вакытында, сәламәтлекләре өчен куркып, катгый чаралар күрүне сорыйлар. Моңа бәйле рәвештә республика Президенты Рөстәм Миңнеханов шәһәр, район территорияләрен патрульлек итүне көчәйтергә әмер бирде. Әлеге эшне тиешле хезмәтләр башкарачак.

Исегезгә төшерәбез, Татарстан Республикасы Президентының 6 апрельдәге Указы нигезендә административ хокук бозулар буенча беркетмәләр төзүгә вәкаләтле затлар даирәсе сизелерлек киңәйтелгән. Үзегезнең һәм якыннарыгызның сәламәтлеген, иминлеген саклагыз.

Кадерле дусларыбыз, үзизоляция тәртибен бозмагыз һәм  өйләрегездән чыкмавыгызны сорыйбыз.