Шәһри Казан

Яман шешкә каршы иң файдалы продукт билгеле

Табиб-диетолог Елена Соломатина җиләкләр яман шешне кисәтә, шикәр авыруыннан интегүчеләргә ярдәм итә дип саный. Файдалы үзлекләре буенча беренче урынга ул кара җиләк, күк җиләк һәм мүк җиләген куя.

Реклама

Әлеге җиләкләрдә антиоксидантлар зур микъдарда, шуңа алар яман шеш һәм йөрәк авыруларын кисәтә.
Җиләкләр шикәр авыруыннан интегүчеләргә дә булыша. Алар бөерләр эшчәнлеген һәм күзнең күрү сәләтен яхшырта.
Моннан тыш, суган, имбир, сарымсак файдалы. Алар бактерияләрне үтерә, вируслы авырулардан саклый.
Кәбестә, төче торма (редис), керән, помидор, яшел үләннәр дә файдалы. Укроп, петрушка, кинза кебек тәмләткечләр майлы һәм көеп киткән шашлыкның зыянын киметә икән.
Диетологлар көн саен 400-500 грамм чи яшелчә һәм җиләк-җимеш ашарга куша. Өлкән яшьтәгеләргә яшелчәләрне пешереп ашау хәерле.

Нравится
Поделиться:
Реклама
Комментарии (0)
Осталось символов: