Абау! 40 градуслы көннәр килә!

Россиянең Липецк, Тамбов, Воронеж, Курск, Белгород өлкәләрендә якын көннәрдә аномаль һава торышы көтелә. Температура 36-37 градуска кадәр җитәчәк. Илебезнең Көньягында һәм Идел буе төбәкләрендә дә температура 39-40 градуска кадәр күтәрелә, дип яза "ТАСС", Россиянең баш синоптигы Роман Вильфандка сылтама белән.
"Идел буенда температура бөтен җирдә дә 30 градустан югары булачак. Самара өлкәсендә 36-38 градуска кадәр, Татарстанда 35 градуска кадәр, Оренбург өлкәсендә 36 градуска кадәр, сишәмбе 39 градуска кадәр җылытачак. Саратов өлкәсендә сишәмбе 37 градуска кадәр җылы көтелә", - дип фаразлары белән уртаклашкан Роман Вильфанд.