Агуланучылар саны арта

4-11 май аралыгында республикада 451 авыру очрагы теркәлгән, дип хәбәр итә Роспотребнадзорның Татарстан буенча идарәсе. Үткән атна белән чагыштырганда авыручылар саны 17,4 процентка арткан. Ел башыннан Татарстанда спиртлы эчемлек эчү аркасында агуланып, 126 кеше вафат булган. Шул ук вакытта сыйфатсыз аракы белән агулануның гомуми күрсәткече бераз кими төшкән. 2014 елның гыйнвар-апрель айларында Татарстанда 476 агулану очрагы теркәлсә, быелның 4 аенда шундый 458 очрак исәпләнә.