Актер Василий Лановой вафат

Танылган актер, СССРның халык артисты Василий Лановой вафат. Ул 87 яшендә арабыздан китте. Бу хакта “ТАСС”ка хатыны Ирина Купченко хәбәр иткән.

Актер һәм аның тормыш иптәше ковид йоктыруы хакында 2 гыйнвар көнне билгеле була. Артистта коронавирусның авыр билгеләре булмаса да, аны хастаханәгә салалар.

28 гыйнварда хәле авыраю сәбәпле, Василий әфәнде реанимациягә күчерелә.

Аның үлеме хакында кичә кич мәгълүм булды.

Актер “Алые Паруса”, “Офицеры”, “Война и мир”, “Дни Турбиных” кебек картиналар аша танылу алган. 

Фото: (Владимир Гердо / ТАСС)