Апрель башында нинди һава торышы көтелә?

Татарстан Гидрометеорология үзәге фаразыннан күренгәнчә: шимбәгә каршы төндә, 30 мартта, явым-төшем фаразланмый. Термометр баганасы 0дән -5 градус, аязганда -6дан -11 градуска кадәр күрсәтәчәк. Көндезге сәгатьләрдә урыны белән явым-төшемнәр көтелә. Көндез һава температурасы 2-7 градус җылылык тәшкил итәчәк. 

Якшәмбе, 31 мартта, Татарстан аша атмосфера фронты узачак, ул яңгырлар алып килә. Төнлә -1-+3 градус, көндез - +3-+8 градус булачак. Дүшәмбе, 1 апрельдә, +6-+11 градус. 2 апрельдә инде – +8 дән +13 градуска кадәр.