Астана шәһәрендә Г.Тукай урамы барлыкка киләчәк

Бу хакта журналистлар белән узган матбугат очрашуында Бөтендөнья татар конгрессының мәгълүмат хезмәте һәм массакүләм мәгълүмат чаралары белән элемтә идарәсе җитәкчесе Гөлназ Шәйхи хәбәр итте.

«Казахстан Президенты Астана шәһәрендәге урамга Габдулла Тукай исемен бирү турындагы Указга кул куйган. Шулай итеп, тиздән Астанада Г.Тукай урамы барлыкка киләчәк, Аллаһ боерса. Бу – безнең өчен сөенечле күренеш», - диде Гөлназ Шәйхи.