#Кыскача яңалыклар 07 сентября 2022, 08:21

Атна ахырында һава торышы нинди булыр?

07 сентября 2022, 08:21

Татарстанда һәм аның башкаласында температура нормадан 3-4 градуска түбәнрәк булган салкын һава торышы урнашты.

Скопировать ссылку

Атна ахырына кадәр һава торышы сизелерлек үзгәрмәячәк, республика халкын салкын һәм яңгырлар көтә.

Бүген Казанда аязучан болытлы, урыны белән яңгыр явачак. Һава температурасы +10 тән +14 градуска кадәр булачак, җил көнбатыш, көньяк-көнбатыштан уртача тизлектә.

Иртәгә, 7 сентябрьдә, шәһәрдә шулай ук аязучан болытлы һава торышы көтелә, яңгыр явуы ихтимал. Көндез һава +14 градуска кадәр җылыначак.

Гомумән алганда, Татарстан буенча 7-8 сентябрьдә төнге сәгатьләрдә +2 дән +8 градуска кадәр көтелә. Көндез һава +14 градус тәшкил итәчәк. Температура нормадан 6-7 градус түбән булачак.

9 һәм 10 сентябрьдә көннәрендә дә республикада салкын һәм яңгырлы һава торышы сакланачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Чыганак - "Татар-информ"

Кызыклы яңалыкларны күзәтеп бару өчен Телеграм-каналга кушылыгыз.