Айрат Хәйруллин белән вертолетта булучыларның хәлләре ничек?

ТР Сәламәтлек саклау министрлыгында Лаеш районында депутат Айрат Хәйруллинның вертолеты һәлакәткә юлыгу нәтиҗәсендә зыян күргән кешеләрнең хәле турында сөйләделәр.

«Вертолет һәлакәткә юлыгу нәтиҗәсендә зыян күргән ике кеше ТР Сәламәтлек саклау министрлыгының Республика клиник хастаханәсенә китерелде. Зыян күрүчеләрнең берсенә операция ясалды. Ул реанимация һәм интенсив терапия бүлегендә табиблар күзәтүендә кала», - дип белдерделәр ТР Сәламәтлек саклау министрлыгының матбугат хезмәтендә.

Икенче зыян күрүченең хәле стабильләшкән. Хәзер ул реанимациядән гадәти бүлеккә күчерелгән, дип яза Татар-информ

Бүген исә Казанда Айрат Хәйруллин белән хушлаштылар