Балалар бакчасында бер малайны үтергән ир "китап кушканча" эшләгән

Балалар бакчасында көндезге йокы вакытында алты яшьлек малайны үтерделәр. Әлеге фаҗигадән соң илдәге барлык бакчаларындагы куркынычсызлыкны тикшерәчәкләр.

36 яшьлек исерек ир-ат балалар бакчасына "йокы сәгате" вакытында килеп керә. Аны сакта утыручы берәр баланың әтисе дип уйлый. Ә ир кеше йокы бүлмәсенә үтеп, йоклап яткан 6 яшьлек малайны пычак белән яралап үтерә.

Әлеге ир кешенең наркология үзәгендә исәптә торуы мәгълүм. Ә җинаятькә ул "мәңге яшәү һәм бай торышка ирешү" ниятеннән барган. "Заклинание" тормышка ашсын өчен китапта бала үтерергә кушылган булган. Әлеге китапны ул китап кибетеннән алуы хакында әйткән, дип яза mk.ru.