«Безнең ишегалды» республика программасы тулысынча үтәләчәк.

«Бу юнәлештә эшләргә кирәк. Бу юлны үтәрбез», - диде Татарстан Президенты. Рөстәм Миңнеханов ассызыклаганча, Татарстанлыларга бирелгән барлык вәгъдәләр дә үтәләчәк.

«Безнең ишегалды» программасы кысаларында юлларны, тротуарларны, тышкы яктырткычларны ремонтлау, каты коммуналь калдыклар мәйданчыкларын урнаштыру, яшелләндерү, эскәмияләр, чүп савытлары һәм балалар мәйданчыклары өчен җиһазлар урнаштыру планлаштырыла. Быел Татарстанда «Безнең ишегалды» масштаблы төзекләндерү программасы старт ала. Гамәлгә ашыру өчен 50 млрд сум акча бүленгән. Бу акчага биш ел эчендә 6775 ишегалдын ремонтлау һәм төзекләндерү планлаштырыла.