Бишбалта зиратында өмә уздырыла

Өмәдә нәзарәт вәкилләре, мөхтәсибәт халкы, Киров һәм Мәскәү районнары администрациясе хезмәткәрләре катнашыр дип көтелә. Риваятьләр буенча, әлеге зиратка ХIV гасырда нигез салынган. Егерменче гасырның илленче елларына кадәр биредә җирләү дәвам ителгән. Әмма Бишбалта зиратының зур өлеше су астына киткән, бер өлешендә корылмалар төзелгән. Озак кына вакыт Бишбалта зираты ташландык хәлдә булган. Соңгы ун елда биредә мөселманнар берләшмәләре, татарларның иҗтимагый оешмалары тарафыннан өмәләр уздырылып килә. Узган ел иске зиратның буеннан-буена койма корылган.