«Бу программа Татарстандагы 2,5 миллион кешегә кагыла»

Казанның “Ак чәчәкләр” скверында ачык һавада журналистлар өчен брифинг үткәрелде.

- Бу программа Татарстандагы 2,5 миллион кешегә кагыла. Президент Рөстәм Миңнеханов, шәһәрләрдә һәм авылларда яшәүчеләр бердәй уңай шартлардан файдаланырга тиеш, диде. Шунлыктан, шәһәрләрдә дә,авыл җирлекләрендә дә төзекләндерү эшләре алып барылачак, - диде республиканың төзелеш, архитектура һәм торак-коммуналь хуҗалык министры Фәрит Хәнифов.

Татарстан Республикасы Президенты Наталия Фишман-Бикмамбетова сөйләгәнчә, ишегалларын төзекләндерүдә дөнья һәм илебез шәһәрләре тәҗрибәсе кулланылачак, Мәскәү белгечләре җәлеп ителәчәк.

- Татарстан Президенты ишегалларын төзекләндергәндә халык фикеренә таянырга кушты. Кешеләрнең фикерләрен өйрәнәбез һәм эштә кулланачакбыз, - диде Наталия Фишман-Бикмамбетова.