#Кыскача яңалыклар 08 июня 2021, 11:19

Бу җәйдә яңа пособиеләр барлыкка киләчәк

08 июня 2021, 11:19

Бу җәйдә пенсионерларның кайбер категорияләре, балалы гаиләләр, шулай ук көмәнле хатын-кызлар яңа социаль түләүләргә яки инде билгеләнгән пособиеләрнең артуына өметләнә алачак.

Скопировать ссылку

Urvista юридик компаниясе генераль директоры Алексей Петропольский «Прайм» агентлыгына шулай дип белдерде. Бу хакта РИА Новости агентлыгы хәбәр итә.

Аның сүзләренчә, 1 августта эшләүче пенсионерларның пенсияләре яңадан исәпләнәчәк. Аларның иминият пенсиясе 300 сумга диярлек (өч индивидуаль пенсия коэффициентына) арта. Август аенда шулай ук 8 яшьтән алып 16 яшькә кадәрге балалары булган гаиләләр һәр балага унар мең сум акча алачак. Бу гамәл Владимир Путин йөкләмәсе буенча эшләнә.

Ә инде 1 июльдән авыр финанс хәлендә калган көмәнле хатын-кызларга матди ярдәм күрсәтеләчәк. Йөклелекнең иртә срогында (12 атнага кадәр) исәпкә басарга өлгергән очракта, алар 6350 сум акча алачак. 8 яшьтән алып 16 яшькә кадәрге балалар тәрбияләүче тулы булмаган гаиләләрне 5650 сум күләмендә айлык пособие көтә.

«Дөрес, әле тагын бер мөһим шарт бар – пособие алимент алганнан соң да мохтаҗ дип табылган гаиләләргә генә түләнәчәк», - дип искәртте Петропольский.

Чыганак: "Татар-информ"

Кызыклы яңалыкларны күзәтеп бару өчен Телеграм-каналга кушылыгыз.

Язмага реакция белдерегез

Реакция язылган инде

Комментарийлар

Без имени

0

0

Мин мАмадыш шэхэрендэ яшим аз керемлегэ семья кызым 15 Тула ана буламы минем исемем фазуллина земфира ничек алырга кайда гариза язырга булыша алмасызмы