Татарстанның Мәдәният министры урыбасары Дамир Натфуллин әйтүенчә, фестивальнең бюджеты быел 9,8 миллион тәшкил итә, катнашучылар өчен приз фонды бүлеп бирелгән, махсус бүләкләр әзерләнгән. Катнашучылар арасында быел хәтта Европа илләреннән дә килергә теләк белдерүчеләр булган.
Болгар җирлегендәге барлык музейлар да бу көннәрдә эшләячәк.
Чынлап торып тарихи мохит сулышын тоярга, чын баһадирлар көрәшен күрергә, ял итәргә теләүчеләр өчен фестиваль көннәрендә барлык мөмкинлекләр дә тудырылачак.
Комментарийлар