Чаллы Сабан туе батырын үзенчәлекле бүләк көтә!

Абсолют батыр тәкә белән “Москвич” машинасына ия булачак. “Иганәчебездән абсолют батыр өчен “Москвич” машинасын алуын үтендек. Начар машина түгел, көрәшерлек бүләк. Көрәшчеләргә дә кызык булыр дип уйлыйм. Чаллыда көрәш мәктәбе көчле, аның яхшы традицияләре бар. Спортчыларыбыз быел матур, нәтиҗәле көрәш белән сөендерер дип ышанабыз”, - ди шәһәр башлыгы Наил Мәһдиев.

Исегезгә төшерәбез, узган ел Чаллының көрәш батырына тәкә белән LADA Vesta машинасы бүләк ителгән иде.