Чираттагы бәяләр артуы көтелә: җылылык һәм су өчен күбрәк түли башлыйбыз

1 нче июльдән Татарстанда яшәүчеләр өчен суның бер кубометрына түләү уртача  25 сум 37 тиенне тәшкил итәчәк. Кайбыч районында бәяләр бик нык кыйммәтләнмәячәк һәм ул 17 сум 70 тиен булачак. Әлмәт, Тукай, Тәтештә 40 сумнан да артып китәчәк.
Шулай ук 1 нче июльдән җылылык өчен түләүләр дә артачак – уртача ул 1758 сум 43 тиенне тәшкил итәчәк. Чаллы, Түбән Кама, Арчада бу суммадан азрак булса, җылылык Тәтеш, Минзәлә, Балтач районнарында кыйммәткәрәк төшәчәк.