Дилә Нигъмәтуллина күченергә җыена

“Без бу фатирдан күченергә җыенабыз. Сәфинәне дә яңа мәктәпкә күчерергә кирәк. Шушы темага сөйләшә башлыйбыз да, Сәфинәнең күңеле төшә. Дусларын, мәктәбен калдырып китәргә теләми”, - ди Дилә. Аның әйтүе буенча, алар инде мәктәпне сайлаган, хәзер шул тирәдән фатир эзлиләр икән.

Бу хакта Диләгә социаль челтәрдә төрле фикерләр язганнар: “Уку беткәнне көтегез, балага авыр була. Үземнең баштан кичердем”, “Күченмәгез, ничек булса да йөртегез, тырышыгыз, ул бик зур стресс балага” һ.б. Ә берәү: “Үзең турында гына уйлама, балаңа стресс. Эшең юк, йөртерсез балагызны гына. Кыланышып утырасың юк проблемадан проблема ясап”, - дип язган. 

“Кәмит кешеләр бар инде”, - дип җавап язган аңа Дилә.