Дуңгыз тешләп үтергән

23 июль көнне Иркутск өлкәсенең Тельма авылында кызык та, кызганыч та хәл килеп чыга. Бер ирнең бакчасына урамда йөри торган дуңгызлар керә. Ул аларны куып чыгарырга тели, әмма хайваннарны куганда бер дуңгыз ирнең аягын тешли. Нәтиҗәдә, зыян күрүче хастаханәгә эләгә һәм соңрак, күп кан югалтудан, вафат була. Хәзер бу очрак буенча прокуратура тикшерү эшләре башлаган, дип яза “Российская газета”.