Эсселәр дәвам итә: алдагы көннәргә һава торышы билгеле
Явым-төшем көтелми. Көнчыгыштан һәм көньяк-көнчыгыштан талгын җил исәчәк.
Явым-төшем көтелми. Көнчыгыштан һәм көньяк-көнчыгыштан талгын җил исәчәк.
Иртәгә, 8 августта, Татарстанда температура фонының күтәрелүе көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәтенә сылтама белән "Татар-информ" хәбәр итә.
Республикада алмашынучан болытлы һава торышы сакланачак. Явым-төшем көтелми. Көнчыгыштан һәм көньяк-көнчыгыштан талгын җил исәчәк, дип искәртә синоптиклар.
Төнлә һава температурасы +13.. +18 градус тәшкил итсә, көндез температура +27.. +32 градуска кадәр күтәреләчәк. Төбәкнең көнчыгышында көнбатышка караганда бераз салкынчарак булачак.
Метеорологларның якынча мәгълүматлары буенча, алдагы көннәрдә Татарстанда температура фонының күтәрелүе (+34 градуска кадәр) дәвам итәчәк, дип яза Татар-информ
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар