Фейерверк шартлатсаң - җавабын да тотарсың

Казанда KazanMall яңа сәүдә үзәге ачылышында фейерверк шартлатканнан соң юридик затка карата "Янгын куркынычсызлыгы таләпләрен бозу" маддәсе буенча административ эш кузгатылган. Бу хакта Татарстан Гадәттән тыш хәлләр министрлыгы матбугат хезмәте хәбәр итте.
Пиротехник эшләнмәләр куллану KazanMallда янгын китереп чыгарырга, шулай ук кешеләрнең тормышын һәм сәламәтлеген куркыныч астына куярга мөмкин булган.

Искәртеп узабыз, 4 декабрьдә, Татарстан башкаласында Павлюхин урамындагы KazanMall яңа сәүдә үзәгенең рәсми ачылышы булды.
KazanMall 2018 елда төзелә башлады һәм ул рәсми рәвештә Татарстанда иң зур сәүдә үзәгенә әверелде.  Җир асты һәм беренче катта машиналарны калдырып булачак, калганнарында - кафе, күңел ачу мәйданчыклары һәм кибетләр урнашты.
Объектның гомуми мәйданы 137 700 квадрат метр тәшкил итә.

Фото: http://tatar-inform.ru