Хаҗиларның соңгы төркеме кайтты

Татарстан хаҗиларының соңгы төркеме туган җиребезгә кайтып җитте. Хаҗиларны аэропортта туганнары, якыннары, Татарстан мөселманнары диния нәзарәтенең "Хаҗ" программасын тормышка ашыручылар каршы алды. Әлеге программа белән изге сәфәргә чыкканнар, барлык хаҗ гыйбадәтләрен үтәп, исән-сау өйләренә әйләнеп кайттылар. Хаҗилар Берләшкән Гарәп Әмирлекләре Корольлеге җирендә 24 көн булды, 21 көн алар Мәккәдә хаҗ кылдылар. Аннары Мәдинә шәһәренә күченделәр, биредә өч көн булдылар һәм аннары юлга кузгалдылар, дип хәбәр итә нәзарәтнең матбугат хезмәте.