И Казан, чәчәкле Казан

Казан мэриясе матбугат үзәге хәбәр итүенчә, ике атна эчендә башкаланың җиде скверында 45 мең чәчәк утыртырга ниятлиләр. Казанның "Азино-1" микрорайонында күпләп чәчәк утырту эшләре бара инде. "Айболит", "Сказочный", "Гулливер", "Фәйзи", "Сахаров" һәм "Ваһапов" скверлары да тиздән яшеллеккә күмеләчәк. Ял итү урыннарына төрле чәчәкләр утыртыла: петуния, бегония, агератумнар дисеңме... Яшелләндерү эшләрен башлыча "Азино-1" торак милекчеләре ширкәте хезмәткәрләре башкарачак. Шулай ук битараф булмаган һәркем әлеге акциядә үз өлешен кертә ала, ди оештыручылар.