Илнең иң яхшы терапевтлар исемлегендә Татарстаннан 19 белгеч бар

Беренчел медицина-санитария ярдәме күрсәтүче гомумпрактика табибларыннан конкурста катнашуга 46 665 гариза кабул ителгән, аларның 37 607се генә рейтингка сайлап алынган. Табиб-терапевтлар топ-500енә Татарстанның 19 белгече кергән. Алар - Чаллы, Әлмәт, Түбән Кама, Арча, Казан һәм Азнакай табиблары. Конкурста илнең 69 төбәгеннән табиблар катнашкан, нәтиҗәдә Краснодар краеның 27 вәкиле илдә иң шәп табиб буларак танылган, Кемерово өлкәсеннән - 23, Ростов өлкәсеннән- 22, Мәскәүдән - 24, Мәскәү өлкәсеннән - 21 кеше.